தேவையானவை:
முளைக்கீரை - 1 கட்டு
கொத்தமல்லி - ஒரு கைப்பிடி
உளுத்தம் பருப்பு - ஒரு டேபிள்ஸ்பூன்
பச்சைமிளகாய் - 2
பூண்டு - 3 பல்
புளி - சிறிய நெல்லிக்காய் அளவு
எண்ணெய் - 2 டீஸ்பூன்
உப்பு - தேவையான அளவு.
செய்முறை:
• கீரை, கொத்தமல்லியை சுத்தம் செய்து பொடியாக நறுக்கிக் கொள்ளவும்.
• கடாயில் எண்ணெய் விட்டு, காய்ந்ததும் உளுத்தம்பருப்பைப் போட்டு, பொன்னிறமாக வறுக்கவும். அதனுடன் கீறிய பச்சைமிளகாய், பூண்டு சேர்த்து பச்சை வாசனை போக வதக்கவும்.
• பிறகு அதில் கீரையை சேர்த்து, சிறிது தண்ணீர் தெளித்து கிளறி மூடவும். குறைந்த தீயில் கீரை வெந்ததும் கொத்தமல்லி சேர்த்துக் கிளறி இறக்கவும்.
• ஆறியதும் அவற்றுடன் புளி, உப்பு சேர்த்து மிக்சியில் போட்டு நைஸாக அரைக்கவும்.
• இந்தத் துவையல் மிகவும் ஆரோக்கியமானது.
குறிப்பு...
• சிறுகீரை (அ) அரைக்கீரையையும் பயன்படுத்தலாம்.